Woorde

Ek lees dat die Woordeboek van die Afrikaanse Taal (die WAT) tans ‘n veldtog het waarin mens ‘n woord kan borg vir ‘n R100. Verskeie bekendes het reeds woorde geborg en ek dink dit kan eintlik nogal ‘n goeie kersgeskenk wees vir daai persoon wat alles het. My enigste probleem: hoe kies mens ‘n woord?

Iets wat by jou persoonlikheid pas, ‘n woord wat lekker sê, ‘n woord wat al in onbruik verval het maar wat jy wil hê weer ‘n opwagting moet maak?

Watter woord(e) sal julle borg? En voorstel vir my?

‘n Ander verskynsel wat weer en weer in my lewe kop uitsteek is waar ek ‘n woord of gedagte teëkom wat ek nie ken nie, die betekenis dan naslaan en dan daardie selfde woord/begrip weer en weer teëkom binne die volgende week of twee. Daar is ‘n woord vir die verskynsel: die Baader-Meinhof fenomeen. Ek het geen idee hoekom die verskynsel na ‘n terreur groep vernoem is nie, maar let bietjie op hoeveel keer dit eintlik gebeur. My jongste voorbeeld is “folly” in die konteks van ‘n gebou gebruik.

Een van die toepassings wat ek die meeste op my Blackberry gebruik is die dictionary.com toepassing. Vinnig en maklik om te gebruik, sodra ek ‘n woord sien wat ek nie ken nie wonder ek nie meer nie, ek slaan dit na. Dieselfde geld vir die woordeboek funksie op my Kindle. Wonderlik!! Mens moet na die dictionary.com webwerf gaan om die toepassing te kry, dis nie in die App-World beskikbaar nie.

En ‘n “nuwe” ou woord wat weer my aandag gevang het? Rampokker. Een van die woorde wat Max du Preez geborg het. Ek’s mal daaroor. So ook boef. (Maar laat ek eerder nie begin nie, daar’s ‘n duisend lekker Afrikaanse woorde wat nie meer gebruik word nie!)

Posted with WordPress for BlackBerry.

Advertisements

7 thoughts on “Woorde

  1. MaanKind November 29, 2011 / 8:01 nm

    Ek was bietjie vies toe ek hoor die woord wat jy borg is nie eksklusief joune nie, honderd mense kan hom ook borg. Toe klink dit vir my na ‘n cheap manier wat die uitgewers ons wil uitbuit.

    • NetJane November 29, 2011 / 8:06 nm

      Ek het nie so mooi die fynskrif gelees nie – dit is half stupid as ander mense ook “jou” woord kan borg. Ek stem saam.

  2. eelt November 29, 2011 / 9:09 nm

    Ek dink daaraan om “vettie” te borg

  3. seegogga November 30, 2011 / 1:08 vm

    Ek kan nie ‘n woord borg nie ,maar as ek kon sou dit die volgende woord wees: liefdesteleurstelling. Die rede? Hierdie gewone en algemene woord in Afrikaans veskyn in geen woordboek nie! ( Hoekom het sy nooit getrou nie? sy het mos ‘n liefdesteleurstelling gehad!) Gaan soek hom maar op in die HAT, Bosman en ek dink die ander tweetalige woordeboek ook. Op ‘n stadium het hulle gevra mense moet inskakel as hulle weet van woorde wat uitgelaat is en ek het toe oor liefdesteleurstelling geskakel. Wie weet? Miskien het hulle dit toe ingesit (dit was nie in toe ek geskakel het nie), maar die dame wat die tel geantw het het gese dat hulle nie al die liefdes-vebindings kan insit nie. MI word die woord egter BAIE meer gebruik as bv liefdesmart, liefdepand en liefdespyn. Dat Engels nie so ‘n lekker woord en rede het omdat mense nie getrou het nie, het niks te make met die woord se geldigheid as woord nie, dit maak eintlik die woord net beter en meer Afrikaans.
    So hier is vir jou ‘n woordjie, nogal ‘n lang enetjie, as jy belangstel.

  4. unpeecee (Un-Politically-Correct) November 30, 2011 / 5:10 nm

    HIPER (vir my)
    angsaanval
    analfabeet
    moreel
    verkiesingsbedrog (borg dit nou, want dit gaan ‘n groot woord word in 2013)
    onaantasbaar
    egosentries (ek)
    geloofsgeneeser (lol!!)
    onbeholpe
    verblydend
    troostebesorger
    markwaardig
    knoets
    droomverlore

  5. Son Desember 7, 2011 / 3:43 nm

    Ek wil die woord ‘TANS’ borg. Ek HAAT huidiglik

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s