Tempus fugit

Ek ken al die sinnetjies en catch phrases. Ek weet ek is veronderstel om “mistress of my own destiny” te wees, maar ek voel deesdae al hoe meer soos die haas in Alice in Wonderland, “Oh my ears and whiskers, how late it’s getting!” Tyd, tyd, tyd.

Ek mors my eie tyd, ek weet dit. Ek raak briesend as ander mense my tyd mors, maar ek breek my eie uurglas lag-lag stukkend (moer hom eintlik neer) dat jy net sand sien spat. Hardloop dan soos ‘n afkop hoender rond om weer die tyd bymekaar te maak, meer te maak, beter te benut, terug te draai, te stop. Tick-tock. Dis al wat ek deesdae in my kop hoor. Dit klink al vir my soos ‘n bom.

Ek verbeeel myself ek het eens op ‘n tyd (alweer daai woord!) meer ure in my dag gehad. Meer goed gedoen wat vir my lekker is. Meer geblog, meer gelees, meer geluister. Minder gewerk, geeët, gebrom. Meer geslaap, meer gedoen. Meer myself gewees. Ek weet net nie wanneer daardie tyd was nie. Stockholm kom dadelik as ‘n antwoord op, maar ek kan mos nooit daardie deel van my lewe met “regte” lewe vergelyk nie. Ek dink net ek is besig om verkeerde keuses te maak. Ek kies nie myself nie. Ek kies om langer te werk, met mense te praat wat my verveel en irriteer, later te slaap en in die verkeer te sit, te boer (stupid Farmville verslawing wat my tyd steel!) en te sit en kyk hoe goed handuit ruk. (A stitch in time saves nine is iets wat op my voorkop getatoëer moet word , sodat ek dit elke dag kan sien).

Hoe verander mens? Hoe maak mens beter keuses? Hoe benut mens tyd? Ek is nie ‘n vreeslike overachiever nie, ek hou van middagslapies en ek stel graag uit, maar beteken hierdie gewoontes dat ek nooit tyd vir enig eiets gaan hê nie?! Fok. Dan moet die sand maar val waar dit val.

Tempus fugit. Inderdaad.

Bosveld troue

Ons naweek weg was baie lekker (of ten minste dit was, nadat ons verby die verkeer wat deur die twee voetgangers wat by Zambezi se afrit omgery is, kon kom). Ons het by Leeuwenhof gebly en alhoewel dit op die prentjies en websites en alles vreeslik oulik lyk was ek effe teleurgesteld. Alles was netjies en reg. Die kamers was netjies, die ligging was mooi, die kos was keurig, maar ek was nie van my voete geslaan en van my asem beroof nie. Dit word as ‘n 4 ster plek gegradeer, maar ek dink dit het nog ‘n tikkie iets anders nodig om dit regtig spoggerig en “smart” te maak. As deel van die pakket het ons spa behandelings ook gehad, wat baie lekker was, veral vir iemand soos ek wat nooit spa toe gaan nie omdat ek in die algemeen nie daarvan hou as mense aan my raak nie. Ek en Liefie het ‘n pakket vir paartjies gehad, wat ‘n facial, rug/nek/skouer massering, hot stone treatment en Indian head massage ingesluit het. Toe ek daar opgestaan het was ek darem min lus vir troue hou, ek wou net slaap!

My nefie se troue was baie lekker en die bruid het mooi gelyk. Was bietjie anders om nie by een van die “normale” Johannesburgse venues te wees nie en Metsi-Metsi lewer regtig ‘n goeie diens. As iemand wat ook ‘n “destination” troue gehad het kan ek dit nogal aanbeveel. Die gaste kom bietjie weg, die venue is ‘n verrassing, dinge is bietjie anders. Die Kurt Darren treffers het vroeg al begin speel (hoe dan anders in die Bosveld?), maar ‘n vriendin van my reken dis nie ‘n regte Afrikaanse troue totdat “Hokaai, stop die lorrie” nie ook speel nie. Dit val my egter nog baie op hoe geslote mense se vriendekringe is. Liefie was omtrent die enigste engelssprekende daar, nevermaaind die enigste nie-blanke.

Ons het gisteroggend na ontbyt ‘n draai by my tannie-hulle op die plaas gaan maak en bietjie weer met die nefies en niggie opgevang. Almal word groot né? Hierdie stel nefies en niggie was die waarmee ek die meeste kontak gehad het, seker omdat hulle die naaste gebly het, die kinders omtrent almal in ons gesin se ouderdomsgroep was en hulle later ook op RAU geswot het en nogal naweke by ons kom kuier het uit die koshuis uit. Die bruidegom is deel van ‘n tweeling en sy broer het erg emosioneel geraak toe dit by toesprake kom. Toe’s ek ook in trane. Troues in eintlik maar vir my ‘n swak punt. Kan myself net nie help nie. Huil altyd, selfs op tv troues.

My ou romantiese hart darem…

Bloedlustige bloggers

Na aanleiding van Hanlie, Demoerin en Rosa se kommentaar op die vraag “Het jy ‘n gevaarlike idee wat die wêreld orde kan verander” plaas ek dan nou die tema liedjie van die “Anarchy and Destruction Flash mob” (Jane, Hanlie, Demoerin en Rosa). Enige ander mense wat nie skrikkerig is vir bloed en bomme nie is ook welkom. 😉

Dis dan ook die eerste liedjie in my nuwe “Thunderous Thursdays” tema. (ja, ja, ek weet dis nou eers Woensdag aand…)

Wie loer kry niks nie, wie vra kry al die antwoorde!

Ek vra om getag te word en “hey presto!” ek word getag. Just like that. (doen nou die Mweb vingerkliek).

Ek is bietjie agter en meeste van die ander “tagees” se takies is reeds uitgevoer, but bear with me, ek’s nie altyd groot op spoed nie…

Dankie Rosa vir die tag. Ek tag jou nou sommer ook, want vir een of ander rede word jy as ‘n “groot” en “belangrike” blogger beskou en dus verhewe bo tags…

Dis tyd vir vrae. Net wat julle wil. En ek moet antwoord. (Of so iets?)

My eerste vrae kom juis van Rosa af:

1) wat is 674786563 x 3

2 024 359 689. (Ek het darem matriek hoërgraad wiskunde en google!)

2) Hou jy van dokter-dokter speel? Hoe baie/hoe min?

Ja. Baie-baie.

3) Hoe oud was jy toe jy die 1ste keer dokter-dokter gespeel het?

Ek was seker 5 of 6. Jan-Frederick ook. Hou anders moes ‘n laatlam uitvind hoe presies seuntjies werk?

4) Jou eerste soen…meer asb

Ek was 15. (Late bloomer!) Vakansie romanse met Gareth. Hy was bad boy personified, ek het lekker probeer cool/sexy/so whatever te wees, maar toe hy my soen smelt en freak ek tegelykertyd uit.

5)Het jy ‘n gevaarlike idee wat die wereld-orde kan verander?

Ja. Nie net een nie. Ek’s te bang om dit hier te tik, voor ek weet word ek op een of ander CIA lys gemerk en het dan jare se kak by elke grenspos. Dit behels bomme en onder andere verskeie heilige koeie (lees kerke).

6) Wat behoort kinders onder 18 nie te doen nie

Mekaar

7)Watse kos sal jy nooit weer eet nie, na ‘n tegniese abnormaliteit voorgekom het.

Butter fish. Ek eet ook niks wat piesang geur is nie, aangesien kinder kots medisyne piesang geur was en piesangs vir my dus ‘n direkte skakel met kots het.

8)Wie sou jy graag as familie/vriend wou gehad het, iemand bekend.

Bart Simpson. Ek sou alle verantwoordelikheid prysgegee het en heeldag saammet hom kak aangejaag het.

9)Wat dink jy van rokke

Is okay, solank dit nie ‘n ronde rok is nie.

10)Slaap jy soms met ‘n teddiebeer/soft toy

Nee.

Krista wonder die volgende:

Tjoklits of roomys of albei?

Albei. McDonald’s chocolate sundae is my ondergang. Ek kan nie nee sê nie. Baglio’s in Sandton Square. Ek kan nie nee sê nie. Smarties. Ek kan nie nee sê nie. Mignonnette Cote d’Or. Ek kan nie nee sê nie.

Het jy ‘n teddiebeer?

Iewers in ‘n boks

Watse kar ry jy en het hy/sy ‘n naam?

Volkswagen Polo. Dis ‘n hy, maar hy het nie ‘n naam nie. My eerste kar (Wit Chico) se naam was Melktert

Dra jy onderklere?

Ja. Ek sou graag sonder ‘n bra wou loop, maar my bates/laste laat dit glad nie toe nie. Ek wonder of ek ooit die pencil toets geslaag het?

Bikini of 1-stuk?

Nie eintlik een nie. Ek het albei, maar neig na die 1-stuk…

Lip ice?

Nee. Blistex

Maxie (hoekom blog jy nie!?) se vrae:

1. Dra jy parfuum en wat is jou gunsteling?

Ek is vreeslik allergies vir parfuum en kan nie eens ruik om te toets waarvoor ek nie allergies is nie, want teen daardie tyd nies ek al so! Ek wil bitter graag parfuum dra, maar nou ja. Dis nogal ‘n teer puntjie vir my, want ek dink ek boet vroulikheid in…

2. Hoe moeilik was die aanpassing terug in SA?

Baie makliker as wat ek gedink het, maar ek mis die tyd wat ek vir myself gehad het.

3. Wens jy soms julle was steeds in Swede?

So een keer elke twee dae. Dit behels meestal die laat slaap en nie werk toe gaan gedeelte van in Swede wees. En ek verlang na die “tipe” tyd wat ek en Liefie saam spandeer het. Dit was net ons, nie ons en huis/tuin/werk/familie probleme nie

4. Het jy ‘n tongskraper en gebruik jy dit elke keer as jy tande borsel?

Agterop my tandeborsel. Ja

5. Kat of hond?

Weereens, vreeslik allergies vir katte. My suster het ‘n chihuahua, ek kuier maar daar om my hond fix te kry. Liefie is ‘n kat mens, so ons is maar mekaar se troeteldiere.

6. Hoe lank is jy?

1.63 m – Reusagtig. 😉

7. Wat is jou beste eienskap?

Ek kan jou sê wat my slegste eienskap is – ek twyfel in myself, soos of ek hoegenaamd noemenswaardige goeie eienskappe het… My sin vir reg en verkeerd?

8. Gunstelingblom?

Tuinrose

9. Hoe lank het jy en jou man mekaar geken toe julle getroud is?

Geken: 8 jaar

Gevry: 7 jaar

10. Wat is jou grootste vrees?

Dat my beste nie genoeg is nie

Grot praatjies

As ek hoegenaamd noemenswaardige gebruik van my brein gehad het sou hier ‘n pragstuk van ‘n bloginskrywing gewees het. Soos dit tans staan het ek erge Sondag aand moer/blues en grom ek vir almal wat wil luister. (Liefie)

My ma kla dat sy niks van my hoor nie en ek kry s.o.s kommentare van ander bloggers oor waar ek myself bevind. Ek is in my grot. Ek werk te hard en die vooruitsig is tans op nog meer werk. Een van my kollegas het dit goedgedink om ‘n week se kennis te gee dat sy van plan is om 8 weke in Jordanië deur te bring. Die ander een is swanger. Die derde een is ver oor aftree ouderdom en die vierde is tans op slow strike (afrika-style) omdat hy meen hy verdien ‘n verhoging. Nommer 5 is oulik, maar ook net ‘n mens. So wie sorg dat alles reg loop? Jane. Fok, ek haat eintlik my pligsgetroue natuur.

Wat ek eintlik wil weet is of dit ongemanierd is om vir ‘n tag te vra, want sien, ek wil blog, maar ek het nie so vreeslik baie om oor te blog nie…

Gesondheid!

Is dit net ek of drink mense verskriklik baie? Ek is nie ‘n geheelonthouer nie, maar ek drink nou ook nie tot ek lê nie. Verder het ek ‘n reël dat ek nie bestuur na een of twee drankies nie. In die algemeen voel ek baie sleg die volgende dag, of ek nou ‘n glas wyn of die hele bottel drink, dieselfde geld vir shooters en “slet sappies” (ek hoor dis die eintlike naam vir al die Brutal Fruit/Spin/Archers Aqua tipe drankies!) Die resultaat is dat ek waarskynlik maande gaan sonder om enige iets alkoholies te drink, maklik by ‘n partytjie sal wees en niks drink nie en glad nie op ‘n Vrydagaand wonder oor waar die volgende kuierplek gaan wees nie.

Drinkers (ek weet nie eintlik wat anders om hulle te noem nie) vind dit baie vreemd as ek nee sê vir ‘n drankie. Of daar iets fout is met my. Ek veroordeel nie mense wat drink nie, gee nie om dat hulle drink nie, maar dis vir al of dit sosiaal te aanvaarbaar geword het. Ek is gisteraand by die kantoorpartytjie weg (na ‘n paar drankies, Liefie is aangesê om my te kom haal), want ek het gesien dis nou “go big or go home” tyd. Dinge gaan handuit ruk. En ek was net nie lus daarvoor nie. Hoe doen mense dit elke naweek? Hoe doen mense dit op KleinSaterdag, Puza Thursday, Vrydae, Saterdae en somtyds nog sommer Sondagmiddag ook?

Ek het my deel vir die alkohol vervaardigers en verskaffers van Suid-Afrika gedoen, maar ek het dit ontgroei. Dis nie vir my aanvaarbaar om nie te onthou wat jy die vorige aand gedoen het nie. Dis nie vir my aanvaarbaar om klere uit te trek, seks te hê met kollegas en op half kapasiteit werk toe te gaan nie.

Hoe bekostig mense dit? Ek verdien ‘n so-so salaris, maar sal nie naweke kan omkuier met my geld nie.

Is ek miskien oorsensitief omdat ek in ‘n huis grootgeword het waar my ma erg oorgereageer het as my pa gedrink het omdat hy ‘n gedaanteverwisseling ondergaan het en mens nooit geweet het wat volgende gaan kom nie?

Liefie drink net so min (miskien nog minder) as ek en as sulks vind ons onsself nie baie in “drinkerige” situasies nie, maar ek vind ook dat mense ons as boring beskou omdat ons nie drink nie.

Dis mos nie reg nie?