Wyn vir die pyn

So elke nou en dan tref dit my dat ek eintlik binnekort trou en dan skrik ek wakker en trek my leêr en to-do list nader en raak beangs en spring dan aan die werk vir so ‘n uur of twee, net om weer oor twee weke die oefening te herhaal.

Vanoggend was so ‘n oggend waar ek wakker geskrik het, besef het ek het eintlik nog niks gedoen behalwe om vir myself ‘n trourok te organise nie (die bruid moet mos met haarself begin!) en het toe maar iets op die to-do list gekies om af te handel. En as ek sê afhandel, meen ek op die NJ manier, waarvolgens die item oor gedink word, ‘n antwoord gekry word en die antwoord nie noodwendig uitgevoer word nie…

In elk geval, ek sit nou al ‘n geruime tydjie met ons spyskaart en die wynlys van die onthaalplek. Ek is gelukkig met die spyskaart en dis darem iets wat afgemerk kan word as ten volle gedoen, maar die wynlys, o hel!

Ek drink nie. By enige wynproe of toer is ek die aangewese bestuurder. Dis maar net ‘n smaak wat ek nog nooit aangeleer het nie, en ek voel buitendien vreeslik vrot die volgende dag, of ek nou een slukkie of ‘n bottel drink, nou los ek dit maar. Dis vir Liefie swaar dat ek nie wyn drink nie, want dit beteken hy moet alleen sy bottels opdrink…

Waar begin ek met wyn kies? Ek het die heel oggend spandeer om vergelykende pryse vir die wyne op die lys bymekaar te kry en selfs met die corkage wat die venue vra is dit meestal nogsteeds goedkoper om die wyn in te koop. Makro lyk vir my het die beste pryse en ‘n groot verskeidenheid.

Ek gee nie om wat die “nose” of “volume” van die wyn is nie. Die “hints of dark berries, warm chocolate, roasted mocha and exotic spice flavours” beteken vir my net mooi niks nie. So hoe kies mens wyn vir ‘n troue?

Liefie hou nie van detail nie, hy verwag ‘n kortlys van my af, gebasseer op ons budget waarskynlik, maar ek sal wyn kies op die mooiste etiket! Ek verstaan die wyn moet by die kos pas, maar baie goed pas mos by baie kos. Daar’s seker ook sekere tipes wyn wat meer geskik is vir ‘n troue met middagete, soos ons s’n, as ander. En gaan mens vir baie van dieselfde tipe wyn, of ‘n groter verskeidenheid? Ons het eintlik maar ‘n klein troue, nie meer as 70 mense nie. Is ‘n duur wyn noodwendig beter? Is ‘n goedkoper wyn noodwendig sleg? Mens kan ook nie net iets kies omdat jy daarvan hou nie, smake verskil, so op ‘n troue moet mens seker meer “middle of the road” wyne kies. Is daar so iets?

Is die beste oplossing maar om ‘n redelike wynlys te hê vir ‘n verskeidenheid van smake en dat die mense self kies eerder as om die standaard wit en rooi reeds op die tafels te hê?

En moet ek dringend die John Platter guide begin lees?

Help!

 

 

 

Advertisements

9 thoughts on “Wyn vir die pyn

  1. kaalvoetinireen Mei 20, 2008 / 2:19 nm

    Ek is seker Boer in Ballingskap sal jou kan help. Klink of hy weet waarvan hy praat as dit by wyn kom…dalk moet jy hom vra…

    Sterkte met al die keuses en BTW ‘n goedkoper wyn is nie noodwendig slegter as ‘n duur wyn nie! Glo my maar!

  2. René Mei 20, 2008 / 3:25 nm

    Janey – as ek mag raad gee, uit eie ondervinding…ons het gevind dat dit soms goedkoper is om eerder direk by ‘n wynkelder wyn te koop! Die veiligste (en dis wat ek gedoen het), is om ‘n lekker ligte rooiwyn en ‘n ligte witwyn te hê! Mense drink hoofsaaklik rooiwyn, maar daar is tog vrouens wat witwyn verkies! As jy ‘n kontantkroeg het, moet jy nie te veel bodder met wyn nie – ‘n bottel rooi en wit op elke tafel saam met twee bottels bubbly is meer as genoeg! Ek sou ook nie ‘n groot verskeidenheid koop nie – dan is die kans beter dat jy met ‘n klomp oorskiet halwe bottels gaan sit!

    As julle ‘n aandtroue het sal ek voorstel jy kry eerder ‘n kontantkroeg. As dit ‘n oggendtroue is drink mense in elk geval nie so baie nie, so jy hoef nie oormaat wyn te koop nie! Either way – dis nie die moeite werd om ‘n DUUR wyn te koop nie, want duur wyn is nie noodwendig so lekker soos die goedkoper/gemiddelde wyn nie!!

    Ek stem saam met kaalvoet – klop daar by Boertjie aan, hy ken sy wyn!

    PS…baie wynkelders in die Kaap het nou ‘n koerierdiens vir wynbestellings, so julle kan Kaap toe kom om die wyn te kies en dan kan dit vir julle aangestuur word – of ek kan dit namens jou gaan proe en laat weet wat is die lekkerste!! Hehehehe!! Gooi maar ‘n mailtjie as jy nog hulp of name nodig het! Ek weet van ‘n paar goeie Kaapse wyne wat nie te duur is nie!!

  3. Hanlie Mei 20, 2008 / 3:44 nm

    Emil (A different view of reality) is ook ‘n wynkenner. Hy sal jou sekerlik kan help. Ek stem saam, ‘n wyn hoef nie duur te wees om goed te wees nie.

  4. Pikkelik Mei 20, 2008 / 6:44 nm

    Ek sal maar saam met jou wag, want ek is ook totentaal en al clueless met wyn. Ek hou van drie slukkies engeltjiepiepie (Roselese of iets) een maal in drie jaar. Einde van my drankondervinding. Sterkte

  5. Wipneus! Mei 20, 2008 / 8:38 nm

    Ek stem saam Rene een bottel rooi en een wit op ‘n tafel…en goeie wyn is nie noodwendig altyd duur nie.

    Vra die 2 manne wat hier genoem is, hulle ken hulle wyn

    Sterkte met jou trou reëlings

  6. Emil Mei 21, 2008 / 9:25 vm

    Ja, asseblief – moet net nie wyn gaan koop oor hulle reputasie of ratings nie. Daar is normaalweg min mense wat allerhande eksotiese diskussies oor die wyn gaan hê. Mense is daar om die dag saam jou te geniet, en gratis drank 😉 is altyd welkom, maak nie saak die etiket.

    Dus, soos Rene sê, kry ‘n ligte witwyn (‘n Sauvignon Blanc of ‘n versnit tussen Sauv Blanc en Chenin is ‘n veilige keuse) en moenie meer as R30 per bottel betaal nie. As jy hier plaaslik trou, kyk na Du Toitskloof Sauvignon Blanc of Hill & Dale (van Stellensicht) – billik en lekker. Hulle kom in onder die R30, glo dit of nie – en is wonderlik drinkbaar! Ek weet 😉

    Rooiwyn, nou ja. Weer eens – as jy jou wil laat lei deur Platter – kyk na die 3 ster wyne. Dit is normaalweg easy drinking, approachable en al daai goeters. Probeer in die prysklas van R55-R80. Jou keuses is so wyd soos die Here se genade, maar jy kan glad nie ‘n fout maak met ‘n lekker Kaapse versnit nie (iets met Pinotage daarin) – of die meeste mense se gunsteling, ‘n Shiraz. Daar is baie kelders wat ‘n Pinotage-Shiraz versnit maak – in my opinie altyd ‘n gemaklike drink versnit. Ek hou van hierdie’s oor hulle name (die smaak is ook nie sleg nie) – dalk staan die name jou ook aan: Allee Bleue Starlette Rouge en Stellenrust Simplicity – onder die R60 per bottel. Daar is altyd ook die goedkoper Vergelegen Mill Race Red, as jou dink om ‘n ikoontjie te wil gebruik. Ook onder die R50.

    Vir my is daar net ‘n keuse van 3 vir die vonkel: Pongrac, Nederburg en Simonsig Kaapse Vonkel.

    As ek mag, ek stel ook voor jy kry vir jou en die aanstaande mnr julle eie spesiale bottel vir die hooftafel, iets waaroor jy omgee om so ‘n klein bietjie te splash en iets wat in smaak, etiket en naam die geleentheid vir julle uniek maak. Dit is natuurlik ‘n persoonlike keuse; dus het ek geen voorstelle hier nie 😐

    Maar deel van die opwinding is om hierdie keuses self te maak. Prys hang maar af van budget en afstand. Enjoy the hunt!!!

  7. Emil Mei 21, 2008 / 9:27 vm

    😳 moet wees “iets waaroor jy NIE omgee om so ‘n bietjie te splash NIE”

  8. boerinballingskap Mei 21, 2008 / 6:03 nm

    Netjane, vir my is so ‘n “wynprobleem” ‘n lekker probleem. Mense wat my ken weet dat ek die sukses van ‘n troue dikwels meet aan die kwaliteit van wyne wat bedien word. 🙂
    Dit hang natuurlik baie af van die begroting wat julle het, maar mens moet die beste waarde-vir-geld-wyne probeer kry wat jy kan.
    Ek dink nie dis nodig om Platter te raadpleeg nie, want baie van daardie “ratings” is ook maar bitter subjektief. As jy wil sien hoe wyne werklik vertoon gaan in op http://www.winemag.co.za in. Daar lys hulleself goeie waarde-vir-geld wyne.
    Ek dink Emil gee goeie raad. Rose (Blanc de Noir) het ook onlangs gewild geraak en jy kan nie foutgaan om op so ‘n pienk nommertjie te besluit nie. De Meye in Stellenbosch maak ‘n baie lekker Blanc De Noir wat die sak pas.
    Maar jou idee om by Makro te kies, is spot-on. Baie van hulle hulle pryse is beter as die Kaapse kelders s’n.
    Afgesien van die name wat Emil voordoen, kan jy dalk ook na die volgende waarde-vir-geld reekse kyk: Boland, Windmeul, Perdeberg, Villiera, Welmoed, Bergsig en selfs Tulbagh. Met die Kaapse Vonkel kan jy nie verkeerd gaan nie. Moet ASB, net nie JC le Roux La Domaine of La Chanson doen nie – dis soet en gee koopseer!

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s