Doen dit self!

Ek en Liefie is nogal knaphande as dit nou by “home renovations” en so aan kom. Eintlik seker meer Liefie as ek, maar wat is ‘n man sonder die vrou wat sy hamer vir hom aangee? Ek het in ‘n huis grootgeword waar my ma iemand gebel het as iets fout was. So het dit dan ook gebeur dat die skottelgoedwasser tegnikus gereeld uitgeroep is vir olyfpitte in die filter. Geen kans dat pa net gou kan kyk of dit nie iets is wat hy kan regmaak nie. Eerstens, my pa is nie juis ‘n handyman se gat nie en tweedens, my ma is nie ‘n vrou wat tyd het vir “ek sal sien” nie. As sy die oggend so sit met haar koppie tee in die een hand en die Geelbladsye in die ander dan moes ons geweet het iets is aan die gebeur. Die enigste ding wat sy selfs gedoen het is om haar skilderye, borde en ander prente op te hang. Ek dink sy’t aandele in Hilti. Sondagoggende voor kerk het ons wakkergeword met die kap-kap-kap van die hamer en dan my ma se voete op en af by die leer om te sien of die ding net reg hang. (Sy wag altyd totdat my pa slaap of golf speel, hy bulder gereeld die huis gaan inmekaar val soos sy gate kap) Vir swaarder goed soos spieëls het sy gewoonlik ‘n ou afgetrede omie gebel en die het hemel en aarde versit net om vir Christa te kan help. (Mammie is vreeslik charming…). Nadat Liefie op die “scene” verskyn het en ek leer boor het (ek gaan daai sin nie eers probeer verduidelik nie) was Mammie vreeslik bly, want toe kon ek sommer vir haar haar goed ophang. Die ou omies het baie meer gereeld koffie en koekies gekry as ek….

Toe ek vir Liefie ontmoet het was ek verbaas oor die hoeveelheid gereedskap wat daar in die wêreld is. Daar is masjiene vir goed wat ek nie eers geweet het mense sal wil doen nie. Nie lank nie of Liefie koop ‘n duplex en Janey word verhef tot assistent. Nou enige iemand wat ‘n assistent is weet dis eintlik net ‘n man se manier om jou te laat belangrik voel, maar eintlik is hy te lui om elke keer van die leer af te klim om iets nuuts te kry en dis makliker om op die assistent te skree vir die verkeerde skroewedraaier as op homself. (Net vir ingeval hy hier lees: Liefie skree darem nooit nie) Ek en Liefie pak daai duplex aan met mag en mening en die ding lyk na ons renovations pragtig. Toe ons net mooi klaar is trek ons uit, want ons het ‘n huis gekoop. Die huurder geniet ons pragtige plek!

Met die dat ons in die huis intrek maak ek ‘n belofte dat ek nie weer gaan DIY doen nie. Daai belofte werk nie mooi uit nie en elke keer wat my ma my op ‘n Saterdag of Sondag oggend bel is ek in Builder’s Warehouse om vinnig ‘n nood skroefie of iets te kry. Soms alleen, soms saammet Liefie. Ek het geweet ek het ‘n laagtepunt in my lewe bereik toe ek in die kar spring en sommer so met my werksklere (die jean met die verf en grout en silicon sealant op en die gat op my gat) Builders Warehouse toe ry. Ons maak die tydelike verbeteringe net mooi klaar of ons kom Swede toe. Die huurder geniet die huis!

In Swede, so vertel ons onsself, kan ons mos onmoontlik iets wil doen of regmaak, want ons besit nie die plek nie. Ons het deure afgehaal om vloei te verbeter, nuwe ligte opgesit, ander gordynstokke en gordyne gehang en die tv drade ge”reroute”.

Ons kry vanoggend ‘n email van ons duplex huurder. Hy trek uit. Nou ons wou nog altyd die vloere in die huis vervang het (as ek sê ons bedoel ek Liefie, hy’t renovation miere) maar ek het gesê dis nie nou die moeite werd om so baie geld op die huis uit te gee en daai gemors te hê nie. Kom ek vanoggend met die idee vorendag (moes seker nog half aan die slaap gewees het) dat ons in die duplex kan intrek terwyl die huis se vloere gedoen word. No mess, no fuss. Ag hel.

Advertisements

9 thoughts on “Doen dit self!

  1. Jaco Mei 15, 2008 / 12:52 nm

    DIY is fun, DIY is my friend.
    Kyk nou wat het jy gedoen. My “assistent” het bedank nadat sy die stuk gelees het. Geen hoeveelheid puppy faces of aag Lyfies gaan haar nou oortuig om vir my die hamer aan te gee of die skroewedraaier om te ruil nie.

  2. demoerin Mei 15, 2008 / 1:55 nm

    Ek moet sê ek geniet Buiders warehouse baie! Baie. Kan vir ure daar rondloop! Ek weet egter heelwat van saag en spyker!

  3. Wipneus! Mei 15, 2008 / 2:11 nm

    Ek is mal oor DIY (my teddie gelukkig ook) dis heerlik om iets weer nuut te maak, en as dit klaar is terug te staan en jou handewerkies te bewonder.

    Jy gaan te lekker bly in jou huis met die nuwe vloere! Hoop ons gaan foto’s sien 😉

  4. Pikkelik Mei 15, 2008 / 2:28 nm

    Ag genade tog, ek IS DIY! Met twee hipperaktiewe kinders in die huis is daar altyd maar altyd maar altyd iets wat reggemaak moet word, en toggie tog, ek’t nie die geduld om vir iemand te wag nie!!!! Nou nog net leer sweis en die Kaap is Hollands! 😆

  5. Dellie Mei 15, 2008 / 3:16 nm

    Nee wat, jy bevind jou in goeie geselskap. Ons DIY ook. Ek ken van assistent speel. Ek ken al selfs die verskil tussen ‘n skroewedraaier en ‘n hammer… :mrgreen:

  6. René Mei 15, 2008 / 4:12 nm

    Ai girl, dit klink of jy van my en my manlief hier skryf! Ken ek nie maar alte goed die assistent-rol nie! Ons renovate al vir twee jaar ons 60jaar oue huis, en noudat elke kamer sy eie badkamer het en als presies is soos ek dit wil hê – het Manlief besluit ons moet die huis in die mark sit! (Ons maak darem 100% wins aangesien ons die huis vir ‘n bargain gekry het!)

    Manlief is nou kamtig moeg ge”renovate” en wil ‘n nuwe huis koop! 🙄 Waar het ek al daai woorde gehoor?

  7. Natasja Mei 15, 2008 / 5:49 nm

    Ek moet ook alewig êppie speel vir manlief. Ek doen nie veel nie – gee eintlik maar net skroewe aan en help om goed vas te hou sodat hy kan saag of boor. Hy noem my sy Skroewenooientjie. Ek dink hy laaik dit nogal om iemand by hom te hê wat kan ooh en aaah oor sy power tools en sou eintlik heel goed op sy eie kon DIY. 🙂

  8. Hanlie Mei 15, 2008 / 10:05 nm

    Ek is nie so gepla oor die boor nie, maar die noodskroefie in Builders Warehouse (met of sonder Liefie) laat my wonder!

    Ons het ‘n mak bouer, maar my man het voorheen ‘n vloerbesigheid gehad, so die doen hy sommer self wanneer dit nodig is. Ons huis is so om en by 100 jaar oud en die renovation was groot! Gelukkig het ek nog nie hier gewoon toe Deel 1 aan die gang was nie!

  9. sommergoed Mei 22, 2008 / 9:45 vm

    Lag ek nou. Vra haar bietjie om eendag vir julle haar DIY pakkie te wys. Haar werkspakkie. Dit was die dag toe ek omval van skok, die dag toe ek weet sy maak nie grappies oor DIY nie, die dag toe sy vir my bel en se ja kom drink koffie maar ek trek nie my “werksklere” uit nie.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s