Arigatou!

Ek is so_opgewonde_dat_ek_duidelike_spasies_tussen_my_woorde_moet_sit, want anders sal ek nie asemhaal nie.

Ek en Liefie trou in Oktober. (Yay!) Ons het voor ‘n troudatum al die wittebrood begin bespreek. Met die dat ons so mal oor reis is het ons eintlik net die honeymoon as ‘n verskoning vir ‘n moerse vakansie gesien. “Waarheen gaan ons?” vra ek vir Liefie. “Margate toe” spot hy. En toe, sonder om my ‘n oomblik te gee om myself voor te berei kom hy vorendag met “Japan!”. En ons is omtrent beïndruk met onsself. Toe besef ons dis Oktober in die Noordelike halfrond en besluit toe sommer self dit gaan koud wees en skrap net daar die Japan planne. Ons het glad nie ons besluit basseer op enige betroubare informasie nie.

Volgende bestemming is toe Argentinië, met ‘n droom om ‘n draai op die Easter Eilande te gaan maak. Soos dit ons manier is doen is toe ook niks verder om aan die besluit uitvoering te gee nie, maar praat met almal asof ons reeds ons tasse gepak het en heeltemal voorbereid is, meanwhile back at the ranch het ons nie eens vliegkaartjies of ‘n benul wat dit sal kos nie.

Fast forward vandag toe. Ek moet wasgoed en huiswerk doen en dan surf ek moes eers. (En ek praat nou nie van die wasgoedpoeier Surf nie). Ek kyk toe bietjie na vlugte Buenos Aires toe. En as ‘n laaste huldeblyk aan die doodgebore Japanse planne na vlugte soontoe ook. Die eerste paar R40 000 + tariewe wat deurgekom het vir Japan het my nie afgeskrik nie en toe besluit ek Emirates is die antwoord. EN DIT WAS!! R8076 per persoon al die pad tot in Tokyo. Insluitend al die goed wat hulle gewoonlik net in die fine print bysit. Net daar is ek uit my vel uit en ek google toe maar Japan se weer vir Oktober.

En ek kom op hierdie pragtige sinnetjie af:
“Still warm, but not hot and humid anymore, the weather in October is very comfortable for traveling. In northern regions and higher elevations, trees are turning colors.” Net onder die sinnetjie volg ‘n oulike tabel met minimum en maksimum temperature en die minimums lê hier by 15 grade rond en die maksimums by 23 grade.

So ek kan honeymoon hou, in JAPAN en die herfsblare sien. Jackpot.

“Turning Japanese, I think I’m turning Japanese, I really think so…”

Advertisements

19 thoughts on “Arigatou!

  1. Natasja Mei 13, 2008 / 5:30 nm

    Baie geluk met die troudatum en die bargain vakansie! Nou moet julle net rustig sit en wag vir Oktober. Dis darem vrek lank. Ek dink ‘n vakansietjie tussen nou en dan is heel gepas 😉

  2. Pikkelik Mei 13, 2008 / 6:42 nm

    Hoi ching fa doe so mo! Dit het rerig geen betekenis nie, maar dis my opgemaakte weergawe van ‘Geniet jou honeymoon!!!!!!!!!!

  3. Rustig Mei 13, 2008 / 9:02 nm

    Baie geluk en ek beny jou wat aan al die sushi gaan smul.

  4. sonkind Mei 13, 2008 / 10:24 nm

    Nippon No Asobi Wa Hontoni i Yo

    Dit beteken = (Om Japan te besoek is nogal okay)

    Die Japanees kom van my Liefie, wat drie jaar daar gebly het van hy 11 was tot hy 14 was, en daar skoolgegaan het en destyds Japanees vlot gepraat en gelees het.

    Lekker honeymoon hou!

  5. Reisiger Mei 14, 2008 / 7:29 vm

    Die beplanning is net so lekker as die vakansie en as dit nog vir jou honeymoon is, des te beter! Geniet dit, ek’s ook sommer opgewonde vir jou part!

  6. Da Mario Mei 14, 2008 / 7:48 vm

    Nee maar geniet maar Japan in Oktober. Ek is nou so damn groen van jaloesie dis nie eers snaaks nie!!
    Anyhow, so wat is toe nou fout met Argentinië? 😆

  7. René Mei 14, 2008 / 8:13 vm

    Ai – as mens darem met die goue lepel gebore is…!

    Geniet al die beplanning vriendin – jy het omtrent baie om na uit te sien!!!!

    (/me is all shades of green!)

  8. demoerin Mei 14, 2008 / 8:14 vm

    Yippeee, geniet dit. Nee man, noordelike halfrond glad nie bad in Oktober. Ons het al 28 grade teen die einde Oktober in Rome gehad! Ek is soooo jaloers en beter nou my gat in rat kry en my volgende trippie beplan.

  9. kaalvoetinireen Mei 14, 2008 / 10:11 vm

    Lekker man! As alles goed gaan hier by my en die skole se somervakansie op die “regte” tyd val sal ek hopelik Japan in Augustus of September kan besoek vir so 5 dae. As ek dit maak sal ek jou dalk ‘n paar tips kan gee 😉 Geniet al die reelings en beplanning vorentoe!

  10. Wipneus! Mei 14, 2008 / 10:31 vm

    Geluk met die troudatum!!!! Geniet die beplanning en ….. Japan in Oktober!

  11. Dellie Mei 14, 2008 / 11:31 vm

    Ag hoe lekker. En daai temperature klink NET reg. Wens ek was jy! 😉

  12. Marina Mei 14, 2008 / 12:15 nm

    havi di foo king goot tim……dws GENIET DIT!!!!

  13. netjane Mei 14, 2008 / 4:38 nm

    Dankie vir al die goeie wense (in tale wat bestaan en opgemaak is!)

    Nou moet julle almal net sorg dat ek actually die beplanning doen en nie net uitstel nie (soos my manier is), anders gaan ek regtig Margate toe vir honeymoon.

  14. TristonJ Mei 14, 2008 / 11:05 nm

    jy klink sommer so lekker opgewonde!!

  15. Emil Mei 14, 2008 / 11:53 nm

    Trou is nie “sommer net stories” nie 😉

    Skitterend. Ek en my vrou was vir 5 jaar verloof – vandag wonder ek steeds hoekom in vadersnaam so lank!! Ek kyk vandag geen oomblik terug nie en met die geboorte van ons laaitie in April laasjaar … nou ja, hier is te min spasie om daaroor uit te brei.

    Geluk met die datum en voorspoed met die reëlings. Dis ‘n harde … lekker tyd 😉

  16. demoerin Mei 15, 2008 / 8:28 vm

    Haha, vergeet van die troureëlings, konsentreer op die reëlings vir die honeymoon, baie belangriker!

  17. Hanlie Mei 15, 2008 / 9:58 nm

    Dit is opwindend! Ek wil so graag Vietnam toe gaan! Maar dink net aan al die sushi wat jy spotgoedkoop in Japan kan eet. En al die elektronika wat jy kan koop!

  18. sommergoed Mei 22, 2008 / 9:50 vm

    Hey hoekom is ek die laaste een om van hierdie nuwe planne te hoor. Ek is familie, nevermind familie ek is jou SUSSIE. jy weet sussie soos in jy vertel my goed voordat ek dit op jou blog moet lees

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s